Սարկիս Իզմիրլյանին շնորհվել է ԵՊՀ պատվավոր դոկտորի կոչում

«Մենք շատ ուրախ ենք Երևանի պետական համալսարանում հյուրընկալել Սարկիս և Մարի Իզմիրլյանների ընտանիքի անդամներին։ Նրանք տարիներ շարունակ Երևանի պետական համալսարանի և հատկապես ԵՊՀ գրադարանի գլխավոր հովանավորներն են եղել։ Այսօր մենք նաև պատիվ ունենք շնորհավորելու Դիկրան Իզմիրլյանին՝ Ազգային հերոսի կոչման արժանանալու առթիվ»,— ասաց ԵՊՀ ռեկտոր Հովհաննես Հովհաննիսյանը։

Նա նշեց, որ «Իզմիրլյան» հիմնադրամի և ԵՊՀ միջև համագործակցությունը, որը նպաստել է նաև նոր գործակցային կապերի ստեղծմանը, շարունակական կլինի։

«Շուտով առցանց հանդիպում կունենանք Ջորջթաունի համալսարանի հետ, ինչը, փաստորեն, կնախանշի համագործակցության նոր հեռանկարներ»,— ասաց ԵՊՀ ռեկտորը։

Սարկիս Իզմիրլյանը բարձր գնահատեց ԵՊՀ-ում ընթացող բարեփոխումները, կրթական ծրագրերը, ենթակառուցվածքների բարելավման աշխատանքները։