Պաշտպանության նախարար Սուրեն Պապիկյանն ընդունել է բարերար Դիկրան Իզմիրլյանի որդուն՝ Սարկիս Իզմիրլյանին

Ապրիլի 5-ին պաշտպանության նախարար Սուրեն Պապիկյանը ՀՀ պաշտպանության նախարարության Վազգեն Սարգսյանի անվան ռազմական համալսարանում հյուրընկալեց հայտնի բարերար Դիկրան Իզմիրլյանի որդուն՝ Սարկիս Իզմիրլյանին։ Նախարարը շնորհավորեց Սարկիս Իզմիրլյանին՝ հոր՝ Դիկրան Իզմիրլյանի, Հայաստանի ազգային հերոսի կոչմանն արժանանալու առթիվ։

Քննարկվեցին մի շարք ծրագրերի շրջանակում հնարավոր համագործակցության հարցեր։ Նախարարը Սարկիս Իզմիրլյանին ներկայացրեց նաև ՀՀ զինված ուժերում, այդ թվում՝ Վազգեն Սարգսյանի անվան ռազմական համալսարանում ընթացող լայնածավալ բարեփոխումների ընթացքը։