Granatus Ventures

Ամփոփում

Ներդրում կատարել Հայաստանի նորարարական էկոհամակարգում՝ վենչուրային կապիտալի հարթակի միջոցով, որն աջակցում է տեխնոլոգիահեն և մասշտաբավորվող ընկերություններին։

Granatus-ը կենտրոնանում է առաջադեմ տեխնոլոգիաների վրա՝ ներառյալ արհեստական բանականությունը, տվյալագիտությունը, կենսատեխնոլոգիաներն ու ռոբոտաշինությունը՝ շեշտադրելով արժեքի ստեղծումը և Հայաստանի ինժեներական տաղանդի օգտագործումը։ Շուրջ 330 աշխատատեղ ստեղծվել և/կամ պահպանվել է անմիջականորեն Իզմիրլյան հիմնադրամի՝ Granatus նախաձեռնության մեջ ներդրումների արդյունքում։ Granatus-ը Հայաստանում առաջին և ամենամեծ վենչուրային հիմնադրամն է, որը ներդրումներ է կատարում Հայաստանում հիմնադրված և/կամ գործող տեխնոլոգիական ընկերություններում։ Ընդհանուր առմամբ՝ Granatus վենչուրային հիմնադրամի աջակցությամբ ավելի քան 2,100 աշխատատեղ է ստեղծվել կամպահպանվել Հայաստանի տեխնոլոգիական ոլորտում։