Մանկական քաղցկեղի կենտրոնի լաբորատոր կարողությունների ամրապնդում

Ամփոփում

«Իզմիրլյան» հիմնադրամն աջակցել է պրոֆ. Ռ. Հ. Յոլյանի անվան արյունաբանության և ուռուցքաբանության կենտրոնին՝ տրամադրելով լաբորատոր սարքավորումներ և ախտորոշիչ սարքեր՝ կենտրոնի ախտորոշիչ կարողություններն հզորացնելու և հիվանդների խնամքը բարելավելու համար։

Արյունաբանական կենտրոնին մատակարարվել և տեղադրվել են լաբորատոր սարքավորումների և ախտորոշիչ սարքերի յոթ միավոր։ Նոր սարքավորումները հնարավորություն են տվել իրականացնել ավելի արագ և արդյունավետ մանրէաբանական հետազոտություններ, այդ թվում՝ իմունային անբավարարություն ունեցող հիվանդների մոտ սնկային բարդությունների, ինչպես նաև ստամոքսաղիքային և արյան վարակների հայտնաբերում։ Դրանք նաև թույլ են տվել ճշգրիտ ախտորոշել ՄԴՀ-ի որոշ տեսակներ՝ օգնելով բժիշկներին որոշել կյանք փրկող կամ կյանքը երկարացնող համապատասխան բուժումը։